Rumahku Syurgaku.....

Rumah oh rumah..... bila la kawe nok ado rumoh sendiri ni.... lo ni anok 2 doh. Rumoh takdok lagi, duk rumoh lamo ngan bonda ni maklum la...ado jo hok dok keno... punoh situ, punoh sini.. nok keno bekki sokmo. Teringin jugok nok wak rumoh ni.... tapi bilo duk pikir bare2 melambung naik ni... stop la dulu. Ple rumoh tu siap doh...cumo tunggu tapok jah lagi.. mulo2 nok wak rumoh belake rumoh lamo ni jah... ado la tanoh hok beli dulu2 dale suku ekar. Maso tu harga aku beli RM27,000 ribu jah. Ore kato muroh.... tapi bilo duk pikir2 tanoj tu rezab kerajae nok wak pembangune, jadi tok guno jugok wak situ. Dale duk pikir2... terigat pula tanoh pusako hok 3 ekar atah namo 6 ore adik beradik... bilo sore nok jual keno la pecoh lot. Jadi... dale duk huhahua... aku beli la tanoh tu denge hargo RM40,000 setengoh ekar. Terpaksa la aku wat loan... makin kecik la gaji bulane aku......bero'ok la nopok gayo.... Molek jugok la wak rumok situ.... jauh skit dari ganggue ni... duk molek2 lamoke kerajae nok amik tanoh keno pulok pindoh.... InsyaAllah la... klu ado rezeki wak jugok la rumoh untuk anok bini aku berteduh...anok koho besar..... mitok2 la muroh rezeki bule ramade ni....... Amin.....