Genap 50 tahun merdeka... tapi dari hari ke hari mace2 hal aku tgk. Di sekoloh pung budok2 lo ni makin menjadi2 pe'el dio. Hok jate ko...hok tino ko...samo jah. Takdok langsung raso hormat ko cikgu nih. Meme napok la perbezaan dari satahun ko setahun. Mano silap? sapo saloh? Cikgu? Mok Pok?..... samo2 pikir deh... Hari ni sambutan kemerdekaan bermula. Kembara Merdeka dianjurkan. Budok2 hepi semacam jah. Tapi adakah mereko pehe erti kemerdekaan sebenar? Gatung dero penuh basikal.... dalam kumpulan pun ado hok ile dero...ile baju... dero hok dok di kelas pun ile jugok.. ado lagi hok tok reti merdeka. Nok merdeka...tapi curi dero ore lain.. huhuhuhu... guano gamok?
Cikgu dan Cikgi doh sedayo upayo doh buat. Tapi budok2 lo ni lain mace.. sepatoh cikgu kato, 10 patoh dia jawab. Sekali cikgu jerekoh, dio jerekoh balik ko cikgu. Silap ari bule, keto cikgu keno koreng... jadi cikgu toleh wak gapo2 doh. Masuk pulok mok pok hok belo anok2. Haru biru la..... Ambang 31 keno sambut. Tapi anok2 mudo dok suko2 mace2 hal...ado hok merempit tengoh jale... ado hok monggek... ado hok tepik histeria tengoh2 male... lagu tu ko sambut merdeka... pening la palo kawe mikir hal budok2 loni. Tok tau la 10 tahun lagi guano... rami jugok anok2 daro hok ile daro zame budok2 ni... sepatutnya kementerian pelajaran menyediakan alat khas boleh kesan daro budok2 ni...baru pade muko! sosial budok2 lo ni teruk sampai tahap cipan bak kato ore kl la..... kawe sebut jah.. hehe... tapi gitu lah nok oyat nyo.... samo2 la kito pikir lagu mano nok bantu masyarakat kito ni. Jange wi hanyut ikut arus pemodenan.. jange dok saloh ko cikgu sangat la... hanya cikgu jah hok bulih raso. Ore lain hanyo tengok dan mengutuk. Acu dok tempat cikgu....huhuhuhuh...ramai lah hok sakit jiwo.... bye bye...sambung mula la deh.....
No comments:
Post a Comment